ACTIVE (CITIZEN) si kotor e yekhe maybare vizualune proyektesko vas o “bidikhlo aktivizmo” e etnikune minoritetengo thay migrantengo kola si angazhime ko puqipya kola nakna maydur kotar o interesya e relevantune vash olengo komuniteti. Ayeka aktivizmo si bidiklo soske, pe yaver drom, adikergyola but maydur e medialune thay skencialune reprezentipasko thay, pe yaver rig, shay lela forme kola dikhyona na mahatne pe komparacia e aktivizmesko e odolengo kola shay te anen may elaborime forme e aktivzmesko. O filmi treterinla o puqipe e shaipasko kotar socialun anhazhipe sar dikhyola kotar akademikya thay mashkaruna klasake aktivistya.
Ekipa:
Piotr Goldstein si yekh interdiciplinaruno socialuno rodlarno kova kerla buti ko Centro vash Ratyoriguna Evropake thay Mashkarthemutne Studie (ZOiS) ano Berlini. Ov kergya rodlaripe ko moderuno Ratyorigune Balkanesko civiluno amalipe, sakodivuno aktivizmo thay e rola e etnikune minoritetengo thay migrantengo sar ko-kreatorya e lokalune civilune amalipyengo.
Jan Lorenz si socialuno thay vizualuno antropologo kova kerla buti ko Departamenti vash Etnologia thay Kulturaki Antropologia ko Universiteti Adam Mickiewics ano Poznan, Polska. Olesko etnografikuno rodlaripe, hramipya, thay filmya si fokusime ko puqipe e peripasko, yaveripasko thay korkore tranformipasko, maybut ko umal e religiako thay etnicitetesko.
(Big thanks for the translation to AKE DIKHEA? Festival of Romani Film)